Plazza da podest per Wendy Holdener

Grazia al meglier temp en il slalom ha Wendy Holdener dumagnà sin il podest en la super-cumbinaziun a Soldeu en l'Andorra.

Wendy Holdener durant il super-G da la super-cumbinaziun a Soldeu.

Legenda da maletgs: Wendy Holdener durant il super-G da la super-cumbinaziun a Soldeu. Keystone

La skiunza dal chantun Sviz ha fatg in sigl da la plazza 25 sin la plazza 2. La finala ha Holdener anc gì in retard da 20 tschientavels sin la victura, la Canadaisa Marie-Michele Gagnon. Terza daventa la Franzosa Anne-Sophie Barthet.

Vonn parta cun blessura

En il classament general da la cuppa mundiala ha Lindsey Vonn pudì augmentar ses avantatg sin Lara Gut per 28 puncts. L'americana è la finala vegnida 13avla, suenter ch’ella aveva fatg il meglier temp en il slalom gigant. En la cursa da la sonda era Vonn crudada e sa blessada vi dal schanugl.

Gut cun nagut - Kopp 5avla

Lara Gut è crudada ora en il slalom. Ina buna cursa ha la Svizra Rahel Kopp mussà, ella è vegnida la finala sin plazza 5.

RR Novitads 16:00