Siglir tar il cuntegn
Inhalt

Naziunal/Internaziunal Playoffs: I va in zic per la barba ed oravant tut per il gudignar

Igl è il pli bel temp da l'onn per ils giugaders da hockey. Il temp nua che tut è auter – ils playoffs. Questa sonda cumenza questa fasa decisiva era per il HCD.

Il giugader Chris Egli
Legenda: Il giuven Chris Egli n'ha anc betg uschè bler experientscha en ils playoffs. Keystone

«Il hockey saja halt tut auter ch'en la qualificaziun», di l’attatgader da 21 onns, Chris Egli. Ils gieus èn pli intensivs, ils stadions èn plains. Quels facturs fan ch'ils playoffs èn in temp spezial per mintga giugader da hockey.

En ils playoffs dat mintgin sco sch’i giess per vita e mort.
Autur: Samuel WalserAttatgader dal HCD

«I va simplamain per tut. Perquai dat mintgin sco sch'i giess per la vita.» Quai èn ils pleds da Samuel Walser. L’attatgader dat dapi il 2013 tar il HCD e sa perquai che tut funcziuna auter en ils playoffs.

aI va per gudagnar ed in zic era per la barba

La barba tutga simplamain tar ils playoffs. Per ils giugaders dal HCD è quai cler. Ma, betg tuts han era che crescha ina pompusa barba durant il pli bel temp da l’onn. Uschia ha il giuven attatgader da 21 onns Chris Egli mo che crescha pauc. Quai na disturba dentant betg el. La fin finala giaja els playoffs mo per il gudagnar e betg per la pli bella ed impressiunanta barba.

RR actualitad 07:00