Siglir tar il cuntegn

Header

Navigaziun

Piranha Cuira
Legenda: Piranha Cuira gudogna il «double» en questa stagiun. Keystone
cuntegn

Naziunal/Internaziunal Piranha Cuira è campiun svizzer 2018

Igl è la stagiun perfetga per Piranha Cuira. Suenter avair gudagnà la Cuppa svizra la fin favrer (8:2 Red Ants Rychenberg Winterthur) ha l’equipa grischuna da las dunnas er gudagnà il titel da campiun svizzer d’unihockey. Piranha Cuira ha battì en il superfinal a Kloten l’UHC Dietlikon cun 5:3.

Cunquai ha Piranha Cuira er fatg revantscha per la terrada d’avant in onn. Il 2017 avevan las Grischunas anc pers il superfinal encunter Dietlikon cun 2:7. Il victur da la qualificaziun ha quest onn dentant puspè mussà tgi ch’è il numer 1 en Svizra.

Piranha ha oravant tut briglià en l’emprim terz (3:1). Cun in unihockey spert e precis n’han las giugadras da Cuira laschà nagina schanza a Dietlikon. A partir dal segund terz ha dentant er Dietlikon chattà la via en quest superfinal. Dentant mintgamai cura che las Turitgaisas han pudì scursanir cun in gol è pront vegnida la reacziun da Piranha. A la fin dal gieu ha l’equipa da Cuira giugà fitg clever e tegnì il resultat da 5:3.

Per Piranha Cuira èsi il 7avel titel da campiun svizzer, quai dapi il 2010. Tranter il 2012 ed il 2016 aveva Piranha triumfà tschintg giadas en seria.

Piranha Cuira - UHC Dietlikon 5:3

TempResultat
Marcadra da gol (assist)
08:091:0 Piranha Cuira
S. Eskelinen (K. Zwinggi)
12:492:0 Piranha Cuira
C. Rüttimann (N. Handl)
19:002:1 UHC Dietlikon
J. Suter (J. Wüthrich)
19:383:1 Piranha Cuira
P. von Rickenbach (S. Eskelinen)
21:393:2 UHC Dietlikon
L. Pedrazzoli (J. Suter)
38:154:2 Piranha Cuira
K. Zwinggi (C. Rensch)
41:354:3 UHC Dietlikon
J. Suter (A. Gämperli)
41:525:3 Piranha Cuira
C. Rüttimann (S. Ulber)

Sportissimo 12:00