Siglir tar il cuntegn
Inhalt

Naziunal/Internaziunal Pinturault gudogna cumbinaziun a Bormio

Grazia ad ina ferma prestaziun en il slalom gudogna Pinturault l'emprima cumbinaziun da la stagiun. Mauro Caviezel manchenta mo per pauc il podest.

Alexis Pinturault suenter la cursa.
Legenda: Alexis Pinturault ha gudagnà la cumbinaziun a Bormio. Keystone

Il podest

  • 1. Alexis Pinturault (Frantscha)
  • 2. Peter Fill (Italia) +0,42
  • 3. Kjetil Jansrud (Norvegia) +0,45

Il Franzos Alexis Pinturault ha gudagnà la cumbinaziun dals umens a Bormio. Quai avant il Talian Peter Fill ed il Norvegiais Kjetil Jansrud. Il Talian Dominik Paris ch'era suenter la cursa rapida l'emprim, ha er cumenzà bain il slalom però lura enfurtgà.

Ils Svizzers

Meglier Svizzer è stà il Grischun Gino Cavieziel sco quart. El ha manchentà mo per pauc il podest. En la cursa rapida ha el pers 1,05 sin Paris. Ed a la fin han mancà ad el 23 tschientavels sin il terz, Kjetil Jansrud.

Ina buna prestaziun ha er in ulteriur Grischun Gian Luca Barandun fatg. Il giuven da 23 onns ha realisà sco novavel ses meglier resultat en la cuppa mundiala. Ils ulteriurs Svizzers n'han betg pudì tegnair pass cun ils megliers:

  • 16. Ralph Weber +2.15
  • 19. Justin Murisier +2.29
  • 21. Marc Gisin +2.37
  • 24. Stefan Rogentin + 2.57
  • 27. Gilles Roulin + 2.98
  • 28. Nils Mani + 3.03

RR novitads 16:00