Petter Northug desista da «Tour de ski»

Il passlungist norvegiais na saja anc betg fit avunda per questa sfida. Ses corp na funcziunia anc betg endretg, ha ditg ses trenader Arne Hetland al radio norvegiais NRK.

Petter Northug durant ina cursa da cuppa mundiala a Lai il schaner 2016.

Legenda da maletgs: Petter Northug durant ina cursa da cuppa mundiala a Lai il schaner 2016. Keystone

Il Tour de ski è quest onn dals 31 da december enfin ils 8 da schaner. Northug aveva gudagnà il Tour de ski 2015. Ils ultims onns è el stà 13 giadas campiun mundial. Quatter da questas medaglias ha el gudagnà l'onn 2015 al campiunadi mundial a Falun.

La stagiun 2016/2017 ha gia cumenzà mal per Northug. El ha manchentà l'entschatta da la cuppa mundiala en la Finlanda. La cuppa mundiala a Lillehammer ha el stuì bandunar pli baud che planisà. Il passlungist da 30 onns na saja simplamain betg en furma, scriva la Federaziun da skis norvegiaisa.

RR novitads 11:00