Diesch gieus, nov victorias
La qualificaziun per ils campiunadis mundials en Russia è stada bunamain perfetga. Sch'i na fiss betg stà quai stoda dieschavel gieu cun la terrada da 0:2 en il Portugal. Ma uss na saja betg il temp per guardar enavos, di il trenader naziunal Vladimir Petkovic. Per el quintan mo ils dus gieus da «barrage» encunter l’Irlanda dal Nord, quels decidan sche la Svizra po ir als campiunadis mundials 2018 en Russia.
Il spiert da cumbat è la fermezza da l’Irlanda dal Nord
Tecnicamain e tacticamain sajan ils Svizzer pli ferms che l’Irlanda dal Nord crai Vladimir Petkovic. L’Irlanda dal Nord saja defensiv ferma ed haja in grond spiert da cumbat. Perquai saja quai impurtant ch’ils Svizzers na temian betg il cumbat. Lura è Petkovic persvadì che la Svizra sa qualifitgeschia.
L’entschatta a Belfast, la decisiun a Basilea
Il fundament per la qualificaziun po la Svizra tschentar gievgia saira a partir da las 20:45 en l’emprim gieu a Belfast. In pari ni ina victoria Svizra fiss gia in grond pass vers ils campiunadis mundials. La decisiun croda lura dumengia saira a partir da las 18:00 a Basilea.
RR actualitad 17:00