Siglir tar il cuntegn
Inhalt

Naziunal/Internaziunal Petkovic ha nominà - naginas surpraisas

Uss èsi definitiv tgenins giugaders svizzers ch'astgan ir als campiunadis mundials da ballape en Russia. Il trenader naziunal Vladimir Petkovic ha nominà oz ses cader definitiv da 23 giugaders

purtret dal trenader naziunal Vladimir Petkovic
Legenda: Il trenader naziunal ha preschentà sias nominaziun per il campiunadi mundial. Keystone

Dals 26 giugaders dal cader provisori ston il goli Gregor Kobel, il defensur Silvan Widmer ed il giugader da mez Edimilson Fernandes far la valischa. La glista definitiva na cuntegn uschia naginas surpraisas. Dals 23 ballapedists nominads dat sulet in en la Svizra, numnadamain Michael Lang. Ils giugaders clav da l'equipa svizra èn il capitani Stephan Lichtsteiner, Granit Xhaka, Xherdan Shaqiri ed il goli Yann Sommer.

Glindesdi sgola l'equipa lura en la Russia en il campa da basa a Togliatti. L'emprim gieu al campiunadi mundial dat la Svizra ils 17 da zercladur cunter la Brasilia.

RR novitads 17:00