Naziunal/Internaziunal - Peter Prevc gudogna concurrenza da siglir cun skis da Bumaun
Il Sloven Peter Prevc gudogna la concurrenza da siglir cun skis da Bumaun a Garmisch-Partenkirchen avant il Norvegiais Kenneth Gangnes ed il Tudestg Severin Freud. Prevc è uss er da nov leader da la turnea da quatter schanzas.
Simon Ammann ha entant manchentà ils top 10. Il Toggenburger ch’era suenter l’emprim sigl be 14avel è en il segund segl be sa meglierà per in sin il 13avel plaz. Ammann n’ha betg pudì profitar dal vent ed era betg da la giuria ch’è ina giada dapli stada severa tar las notas da stil dad Ammann. Ils ulteriurs svizzers Killian Peier e Gregor Deschwanden n’èn betg sa qualifitgads per il final.
