Suenter intginas trumpadas al Tour de ski 2016 ha Dario Cologna mussà mesemna sia megliera cursa da questa stagiun. En la cursa da 15 kilometers classic ad Oberstdorf è Cologna vegnì sin il segund plaz, battì en il sprint final mo per centimeters (0,1 secunda) dal Casac Alexej Poltoranin. Terz è il Talian Francesco De Fabiani.
Buna cursa han era fatg ils Svizzers Jonas Baumann (13.) e Toni Livers (16.). Il sulet Svizzer ch'ha pers bler temp è Curdin Perl (44.).
Pers surprendentamain blert temp ha è quel ch'ha dominà fin qua il Tour de ski. Il Norvegiais Martin Johnsrud Sundby è vegnì mo 23. ed è stà stgars 1 minuta pli plaun ch'il victur Alexej Poltoranin ed il secund Dario Cologna.
Classament general anc adina dominà dals Norvegiais
En il classament general è Sundby uss mo pli 47 secundas avant ses cumpatriot Petter Northug ch'ha festivà oz ses 30avel anniversari. Terz è il Russ Sergej Ustiugov. Dario Cologna è sa meglierà per ina posiziun sin plaz 8. Jonas Baumann è 22avel e Toni Livers 28avel.
La proxima etappa ha lieu venderdi che vegn a Cortina/Toblach.
RR novitads 17:00