Durant las proximas duas emnas (05-05 fin 21-05) vegn cumbattì en la chapitala franzosa ed a Cologna en Germania per il titel da campiun mundial. Il defensur dal titel è il Canada.
Terrada tar l'emprova generala
L’equipa dal trenader Patrick Fischer ha fatg il viadi a Paris cun buna confidenza. Dals 9 gieus da preparaziun han ils Svizzers gudagnà 6 e per part propi mussar in hockey excellent. Sulet il davos gieu da test nua ch’ils Svizzers han pers a Genevra cun 1:4 encunter il Canada è i en la chautschas. En quest gieu n’ha la Svizra giu nagina schanza.
Canada, Tschechia, Finlanda
Schanza da far meglier encunter ils Canadais survegnan ils Svizzers gia en la fasa da gruppa dals campiunadis mundials. Sper il Canada frunta la Svizra en questa fasa tranter auter er sin la Finlanda e la Tschechia, dus ulteriurs gronds ord il mund dal hockey. Liber per l’equipa da Patrick Fischer vai la sonda, ils 6 da matg a las 12:15 uras encunter la Slovenia. La finamira è almain da cuntanscher ils quart-finals ed uschia udir tranter las meglras otg equipas dal mund.