Siglir tar il cuntegn
Inhalt

Naziunal/Internaziunal Per Belinda Bencic è l'Australian Open a fin

Surprendentamain ha Belinda Bencic (WTA 78) pers la partida cunter la Tailandaisa Luksika Kumkhum (WTA 124) – quai en mo dus sets.

Belinda Bencic consternada
Legenda: Per Belinda Bencic è l'Australian Open gia a fin suenter la segunda runda. Keystone

Entant che Belinda Bencic (WTA 78) ha briglià en l’emprima runda, ed ha gudagnà cunter il numer 5 dal mund, l'americana Venus Williams, ha'la pers la segunda runda cunter la Tailandaisa Luksika Kumkhum (WTA 124).

la giugadra da tennis tailandaisa Kumkhum giubilescha
Legenda: La Tailandaisa Luksika Kumkhum giubilescha suenter la victoria cunter Belinda Bencic. Keystone

En mo dus sets n'ha Kumkhum laschà strusch schanzas a Bencic cun 6:1 e 6:3. Gia avant la partida aveva Bencic mussà respect da Kumkhum cun taxar ella sco adversaria «malcumadaivla». Vers la fin ha Bencic bain pudì dustar trais ballas da matsch encunter ella. La quarta ha Luksika Kumkhum lura pudì nizzegiar.

RR novitads 08:00