Siglir tar il cuntegn
cuntegn

Naziunal/Internaziunal Per 14 tschientavels è Beat Feuz terz a Kvitfjell

Il campiun mundial da la cursa rapida, Beat Feuz, ha manchentà per il nair da l’ungla la victoria en la cursa rapida a Kvitfjell en Norvegia.

beat feuz en acziun
Legenda: Il campiun mundial da cursa rapida Beat Feuz ha manchentà la victoria a Kvitfjell per il nair da l'ungla. Keystone

Suentr il plaz 7 da la cursa rapida da venderdi a Kvitfjell è il campiun mundial da la cursa rapida, Beat Feuz (+0,14), ì sin il podest. Pli spert ch'el èn stads mo il victur norvegiais Kjetil Jansrud ed il Talian Peter Fill (+0,08). Feuz sez è mez cuntent cun sia prestaziun. En tut saja quai stà ina buna cursa, ha ditg Feuz, en l'ultima part na saja però betg tut gartegià.

Era als Grischuns è gartegiada ina buna cursa:

  • 5. Carlo Janka (+0,28)
  • 15. Mauro Caviezel (+0,98)

Ils ulteriurs Svizzers:

  • 34. Gilles Roulin (+2,02)
  • 35. Urs Kryenbühl (+2,04)
  • 38. Ralph Weber (+2,08)
  • 39. Niels Hintermann (+2,14)
  • 43. Patrick Küng (+2,34)
  • 49. Nils Mani (+3,16)

RR novitads 14:00