Passlung: Johaug cun nov record a Falun

La Norvegiaisa Therese Johaug ha fatg in nov record a la cuppa mundiala da passlung a Falun en Svezia. La victura dal Tour de Ski ha gudagnà la cursa en stil liber da 10 kilometers ed ha questa stagiun uschia 14 victorias. Secunda è Heidi Weng, terza Astrid Jacobsen.

La skiunza da passlung Therese Johaug suenter la cursa da la sonda, ils 13 da favrer 2016.

Legenda da maletgs: La skiunza da passlung Therese Johaug suenter la cursa da la sonda, ils 13 da favrer 2016. Reuters

Gia la sonda aveva Johaug gudagnà la cursa da 5 kilometers en stil classic. Cun in temp da 23:28,0 è ella sa profilada cunter sias collegas da squadra Heidi Weng ed Astrid Jacobsen. Lezzas avevan 8,8 respectivamain 13,9 secundas retard sin Johaug.

Meglra Tudestga è puspè daventada Stefanie Böhler cun plaz 11. Sandra Ringwald ranghescha sin plaz 17, avant Denise Herrmann. Nicole Fessel ha cuntanschì plaz 22, Monique Siegel è vegnida 29avla.

RR novitads 14:00