Siglir tar il cuntegn
Inhalt

Naziunal/Internaziunal Paris ed Orenos triumfeschan a l’Alpen Challenge 2016

Graziano Paris e Laila Orenos èn ils dus gronds victurs dal maraton da velo, l’Alpen Challenge 2016. Els han gudagnà la cursa sur 193 kilometers cun partenza a Lai sur ils pass da l’Alvra, Malögia e Spleia enavos fin a Lantsch.

Ciclists direcziun pass da l'Alvra.
Legenda: Gruppa da ciclists direcziun il pass da l'Alvra. Keystone

Graziano Paris da Cugnasco ha duvrà per quella runda cun 4’235 meters differenza d’autezza bun 6 uras e 10 minutas ed è uschia stà bunamain in quart ura pli spert ch’il segund, il Talian Riccardo Zacchi. Cumplettà il podest sco terz ha Christian Magani da Turitg.

Tar las dunnas ha l’Appenzellaisa Laila Orenos gudagnà en in temp da 6 uras e 45 minutas. Orenos ha declassà l’entira concurrenza e gudagnà cun in avantatg da passa 40 minutas sin l’Austriaca Bianca Somavilla e Rebecca Johnson da Zug.

La cursa curta, quella sur 119 kilometers da Lai sur ils pass da l’Alvra e Güglia enavos a Lantsch han gudagnà Matteo Badilatti da Li Curt tar umens, quai en 3 uras e 45 minutas, e Ramona Forchini da Wattwil tar las dunnas en 4 uras e 13 minutas.

RR novitads 14:00