Siglir tar il cuntegn
Inhalt

Naziunal/Internaziunal «Pajais da merda» Ibrahimovic serrà per 4 gieus

Il star da l'equipa Paris Saint-Germain, l'attatgader Zlatan Ibrahimovic, è serrà per 4 gieus da la liga franzosa. Quai a communitgà la cumissiun disciplinara da la liga.

Il giugader da ballape Zlatan Ibrahimovic.
Legenda: Zlatan Ibrahimovic di dretg ora tge ch’el pensa. Keystone

Suenter ina terrada da 2:3 cunter l’equipa Girondins Bordeaux mez mars aveva il giugader svedais numnà la Frantscha sco «pajais da merda» che na meritia betg il club da PSG. El era sa grittentà pervi da la prestaziun da l'arbiter. Pli tard era el sa perstgisà per ses pleds.

Era en la Champions League sto Ibrahimovic pussar per in gieu perquai ch'el aveva vis ina carta cotschna.

RR novitads 17:30