Siglir tar il cuntegn

Header

audio
Gian Gilli in on avant proxim CM da hockey en Svizra
Or da Actualitad dals 08.05.2019.
laschar ir. Durada: 2 minutas 47 Secundas.
cuntegn

Naziunal/Internaziunal «One year to go» – Anc in onn fin tar il CM da hockey en Svizra

L’onn 2020 datti il proxim campiunadi mundial da hockey en Svizra. A Turitg e Losanna vegn alura cumbattì per il titel da campiun.

Exact en in onn ha lieu il proxim campiunadi mundial da hockey en Svizra. Durant il mai 2020 cumbattan a Turitg ed a Losanna las meglras 16 equipas da hockey dal mund per il titel da campiun mundial. Dapi il davos campiunadi mundial en Svizra èn diesch onns vargads. L’onn 2009 era l’elita dal hockey mundial la davosa giada en Svizra per in campiunadi mundial.

Emprims bigliets en vendita

La gronda part da las entradas per il campiunadi mundial da hockey en Svizra vegn finanzià cun las entradas da la vendita da bigliets. Per arrivar en la zona da gudogn stuessan ils organisaturs vender varga 300’000 bigliets.

Per il mument èn pachets cun bigliets da la runda da qualificaziun, da la runda finala, e da las duas arenas a Turitg ed a Losanna en la prevendita. En in segund pass vegnan lantschads il settember ils bigliets dal di e per finir anc lura l’onn che vegn singuls bigliets.

RR actualitad 17:00

Artitgels legids il pli savens