Östberg pli sperta che la favurita

En il duel da las dunnas norvegiaisas tar il Tour de Ski è Ingvild Flugstad Östberg da nov a la testa dal classament avant Therese Johaug.

Da sanester: las 3 Norvegiaisas Therese Johaug, Ingvild Flugstad Östberg e Heidi Weng.

Legenda da maletgs: Da sanester: las 3 Norvegiaisas Therese Johaug, Ingvild Flugstad Östberg e Heidi Weng. Keystone

Tar la cursa en il stil liber sur 5 kilometers a Lai è Östberg stada pli sperta che Johaug, e grazia a las secundas da bonus è ella uss 14 secundas avant che la favurita. Terza en il classament general è in’ulteriura Norvegiaisa, Heidi Weng, che ha in retard da 2’13.

Meglra Svizra è Seraina Boner ch’è s’avanzada da la plazza 25 sin plazza 23, ella ha uss in retard da 5’12’’ sin Östberg. Nathalie von Siebenthal è da nov 5’28’’ enavos e 26avla, e Nadine Fähndrich è cun in retard da 10’29’’ sin plazza 62.

Sco ils umens cuntinueschan era las dunnas il Tour de Ski il mardi a Oberstdorf en la Germania.

RR Novitads 14:00