Siglir tar il cuntegn
Inhalt

Naziunal/Internaziunal Novs experts da skis tar SRF

Marc Berthod, Dominique Gisin e Marc Girardelli cumpletteschan l’equipa d’experts da skis tar la televisiun Svizra SRF a partir da la proxima stagiun, quai suenter che Bernhard Russi è sa retratg da quest post la fin dals campiunadis mundials da skis a San Murezzan.

Ina fotografia da tut ils commentaturs ed experts da skis tar SRF.
Legenda: Ils commentaturs ed experts da skis tar SRF. SRF

Marc Berthod, Dominique Gisin e Marc Girardelli cumpletteschan l’equipa d’experts da skis tar la televisiun Svizra SRF a partir da la proxima stagiun, quai suenter che Bernhard Russi è sa retratg da quest post la fin dals campiunadis mundials da skis a San Murezzan. Vinavant expert resta Michael Bont, quai ha communitgà SRF.

L’Austriac Marc Girardelli ch’è partì durant sia carriera blers onns per il Luxemburg e ch’ha gudagnà tschintg giadas la cuppa mundiala generala e Marc Berthod da San Murezzan surpiglian il post da Bernhard Russi. Quel è stà durant 30 onns expert da la vart da Matthias Hüppi ch’ha medemamain terminà sia carriera sco commentatur da skis. Ses post surpiglia da nov Stefan Hofmänner. Intginas cursas dals umens vegnan vinavant commentadas da Dani Kern.

Dominique Gisin, la campiunessa olimpica en la cursa rapida da Sochi, daventa ensemen cun Michi Bont experta tar las cursas da las dunnas. Questas cursas vegnan commentadas dal trio Jann Billeter e Marco Felder.

RR novitads 15:00