Siglir tar il cuntegn
cuntegn

Naziunal/Internaziunal Nov trenader per Cuira 97

Il club da ballape da Cuira 97 survegn sin l’entschatta da l'auter onn in nov trenader, quai communitgescha il club. Il tudestg Max Knuth che gioga il mument tar Eschen-Mauren vegn sco trenader-giugader a surpigliar il timun tar l’emprima equipa da Cuira.

Maximilian Knuth.
Legenda: Maximilan Knuth è il nov trenader giugader da Cuira 97. MAD

Maximilian Knuth (1989) ha giugà en divers clubs da ligas regiunalas en Germania. Sias experientschas sco trenader ha el rimnà en il ballape d'elita da U16 e U19. Da cumenzar sco trenader tar Cuira 97 saja per el ina gronda sfida ed el veglia gidar a l'equipa da sa sviluppar vinavant, quai tant sco trenader sco er sco giugader.

RR novitads 16:00