Siglir tar il cuntegn

Header

Navigaziun

Conferenza da medias a Kloten: Hans-Ulrich Lehmann infurmescha davart l'acquisiziun.
Legenda: Conferenza da medias a Kloten Hans-Ulrich Lehmann infurmescha davart l'acquisiziun. SRF
cuntegn

Naziunal/Internaziunal Nov investider per EHC Kloten

L'EHC Kloten resta en la NLA. L'investur Hans-Ulrich Lehmann surpiglia il club dals possessurs canadais da fin qua.

L’EHC Kloten ha in futur en la Liga naziunala A. L’interprendider turitgais Hans-Ulrich Lehmann è sa cunvegnì cun ils possessurs da fin qua da surpigliar il club da tradiziun. Fin qua tutgava il club a la gruppa nordamericana «Avenir Sports Entertainment».

Spargnar e spargnar

Il nov acziunari da maioritad ha cunzunt in plan, numnadamain spargnar. Quai munta che giugaders, trenaders ed auter persunal survegnan marcantamain damain paja. L’ultima stagiun avevan ils da Kloten fatg in minus da radund otg milliuns francs.

Lehmann aveva ditg gia da l’entschatta cleramain ch’el na saja nagin mecen. El veglia be surpigliar il club senza daivets e per in pretsch simbolic dad in franc per aczia.

Simpson, Muller e Guggisberg van

I dat gia emprimas decisiuns davart il persunal: Ils contracts cun il headcoach Sean Simpson ed il trenader assistent Colin Muller sajan vegnids schliads per immediat e «vicendaivlamain», ha communitgà il club. Plinavant sa separa l’EHC Kloten da l’attatgader Peter Guggisberg.

RR novitads 15:00