Siglir tar il cuntegn

Naziunal/Internaziunal Nino Schurter va per aur

Nino Schurter è il nov campiun mundial en il Cross Country. Il mountainbiker da Tersnaus e victur da la cuppa mundiala ha gudagnà la cursa ad Andorra.

El ha gì in avantatg da 10 secundas sin ses concurrent permanent e defensur dal titel, il Franzos Julien Absalon. Bronz ha gudagnà il Tschec Ondrej Cink.

Cun Matthias Flückiger sco 5avel, Ralph Näf sco 7avel e Florian Vogel sco 8avel èn 3 ulteriurs Svizzers sa classads tranter ils top 10.

Per Nino Schurter èsi gia il quart titel da campiun mundial suenter 2009, 2012 e 2013.