Siglir tar il cuntegn
cuntegn

Naziunal/Internaziunal Nino Schurter gudogna segunda cursa da la cuppa mundiala

La segunda cursa da Cross Country gudogna er Nino Schurter. Questa giada ad Albstadt, avant l'Ollandais Mathieu Van der Poel ed Annton Cooper da la Nova Zelanda.

Purtret da Nino Schurter.
Legenda: Il ciclist da professiun gudogna er la segunda cursa da la cuppa mundiala. Reuters

Gia avant in’emna ha Schurter gudagnà la cursa en Tschechia. Per Nino Schurter èsi stà la 22avla victoria da la cuppa mundiala.

Questa giada ha l'allrounder Mathieu Van der Poel pudì suandar il meglier a Schurter. Ma tuttina ha el gì 26 secundas retard sin il Svizzer. Van der Poel è il figl dal ciclist anteriur Adrie Van der Poel e beadi da la legenda da ciclissem Raymond Poulidor. Gia l'emna passada aveva el fatg l'otgavel plaz ed ha uschia mussà ch'el po tegnair cun, cun ils buns.

Terz è vegnì cun Anton Cooper in ulteriur newcommer. Julien Absalon ha stuì sa dar cuntent cun in setavel plaz. Il Tschec Jaroslav Kulhavy, il pli dir concurrent da Schurter enfin ussa n'ha gia da l'entschatta davent betg pudì tegnair cun cun Schurter. Il segund meglier Svizzer è stà Florian Vogel sco otgavel.

RR novitads 17:00