Il Tudestg Nico Rosberg n'è il mument betg da franar en la furmla 1. A Schanghai ha il pilot da Mercedes pudì festegiar sia terza victoria da la stagiun. El ha gudagnà a moda suverana avant ses cumpatriot Sebastian Vettel (Ferrari) ed il Russ Daniil Kwjat (Red Bull-Renault). Gia suenter l'emprima mesadad da la cursa manava Rosberg cun passa 20 secundas avantatg. La fin era el 37 secundas avant Vettel.
Per il team da Sauber n'hai in'ulteriura giada dà nagins puncts. Il svedais Marcus Ericsson è vegnì 16avel e ses collega da team brasilian Felipe Nasr 20avel.
RR novitads 11:00