Siglir tar il cuntegn
cuntegn

Naziunal/Internaziunal Nico Rosberg gudogna er ultima cursa da la stagiun

Il pilot da Mercedes Nico Rosberg gudogna ad Abu Dhabi l’ultima cursa da la furmla 1 da questa stagiun. Igl è la terza victoria en seria.

Nico Rosberg gudogna a moda suverana e po festivar sia 6avla victoria da questa stagiun.
Legenda: Nico Rosberg gudogna a moda suverana e po festivar sia 6avla victoria da questa stagiun. Keystone

Segund è vegnì ses collega d’equipa e campiun mundial da quest onn, Lewis Hamilton. Sco terz sin il podest è il pilot da Ferrari, Kimi Räikkönen che po uschia segirar ses quart plaz en il classament general, avant ses cumpatriot Valtteri Bottas ch’è vegnì 13avel.

Sco en las duas davosas cursas, resta la squadra da Sauber era ad Abu Dhabi senza puncts. Marcus Ericsson è vegnì 15avel, Felipe Nasr 16avel.

RR novitads 16:00