Siglir tar il cuntegn
cuntegn

Naziunal/Internaziunal Nico Hischier ha marcà ses 50avel punct da scorer

Il hockeyan svizzer ha marcà ses 50avel punct da scorer en sia emprima stagiun tar la National Hockey League.

Nico Hischier.
Legenda: Per il giuven da 19 onns èsi l'emprima stagiun tar la National Hockey League. Keystone

Tar il gieu cunter Pittsburgh ha il hockeyan svizzer Nico Hischier preparà il 1:0 da Kyle Palmieri ed ha uschia marcà ses 50avel punct da scorer. 18 goals e 32 assists èn reussids al giuven Vallessan durant ils 77 gieus ch'el ha enfin uss giugà per la National Hockey League. Cun questas prestaziuns ha el contribuì fermamain a quai ch'ils New Jersey Devils èn sin il curs dals playoffs.

Il gieu encunter Pittsburgh n'han ils New Jersey Devils però betg pudì dominar. Pervia dal gol da Sidney Crosby en la 19avla secunda da la prolungaziun han els stuì sa dar battids cun in 3:4.

RR novitads 12:00