Siglir tar il cuntegn

Header

cuntegn

Naziunal/Internaziunal Neymar na dastga anc betg giugar

Il giugader da ballape brasilian Neymar na dastga anc betg giugar per ses nov club da Paris Saint Germain.

Sco quai che l'agentura da novitads franzosa scriva, n'haja il club betg survegnì a temp ils documents necessaris da Barcelona. Cunquai è il termin da pudair giugar gia questa sonda en l'emprim gieu da liga Paris Saint Germain cunter la squadra promovida Armiens scrudà.

Summa da record

Paris Saint Germain aveva pajà quest'emna ina summa da transfer da passa 250 milliuns francs per Neymar. Quai è il pli char transfer en l’istorgia dal ballape. Neymar ha 25 onns e dat dapi il 2013 per Barcelona. Ses contract cun il club spagnol fiss anc valaivel fin il 2021.

RR novitads 09:00

Artitgels legids il pli savens