I sa tracta dal pli char transfer en l’istorgia dal ballape insumma. Fin uss era la pli auta summa pajada per in transfer quella per Paul Pogba. Il giugader franzos ha midà la stad passada da Juventus Turin en l'Engalterra tar Manchester United. Neymar haja suttascrit in contract da tschintg onns. Quai ha communitgà il club franzos. Neymar ha 25 onns ed ha dà dapi il 2013 per Barcelona.
Renfatschas envers Paris St-Germain
Il club da ballape da Barcelona haja surdà ils detagls dal Transfer a l'UEFA. Quella ha ussa da decider pervia da consequenzas disciplinaras.
A l'entschatta n'ha la liga da ballape spagnola betg vulì acceptar la summa da transfer. Quella saja vegnida returnada al club da Paris. Els na veglian betg acceptar ils daners da Paris St-Germain, aveva declerà il president da la liga spagnola da ballape Javier Tabas en in’intervista cun la gasetta da sport «As». Ils responsabels da la Primera Division avevan renfatschà a PSG da cuntrafar al Financial Fairplay.
RR novitads 16:00