Siglir tar il cuntegn

Header

cuntegn

Naziunal/Internaziunal New England Patriots gudognan la 51avla Super Bowl

Manads da lur quarterback Tom Brady han ils Patriots battì ils Atlanta Falcons en in final dramatic cun 34:28.

Per l’emprima giada en sia istorgia è il pli impurtant eveniment sportiv dals Stadis Unids vegnì decidì pir suenter la prolungaziun. Passa 70’000 aspectaturas ed aspectaturs èn stà da la partida a quai, ch’era tenor ils commentaturs il «final pli dramatic» en l’istorgia da l’associaziun dad American Football, la National Football League NFL.

L’um dal gieu era il star-quarterback dals Patriots, Tom Brady (39). Suenter in nausch start ed esser stà en dischavantatg cun 3:28 ha el manà ils Patriots cun 34:28 a la victoria.

El è l’unic giugader insumma che ha gudagnà tschintg giadas la Super Bowl Brady maina uss la glista da record dals quarterbacks. El è er vegnì tschernì sco meglier giugader dal gieu. Quella distincziun ha el survegnì suenter ils onns 2002, 2004 e 2015 quest onn per la quarta giada. 43 da ses 66 pass en la Super Bowl da quest onn han cuntanschì in gudogn da spazi da 466 yards.

RR novitads 06:00

Artitgels legids il pli savens