Suenter il dus emprims gieus da quest onn (3:0 encunter l’Estonia ed 1:1 encunter ils Stadis Unids) ha l’equipa naziunala da Vladimir Petkovic pudì far in pass enavant dal 12avel sin il 9avel plaz. Uschia sa chatta la Svizra avant grondas naziuns da ballape sco per exempel la Spagna, l’Italia, la Frantscha u l’adversari en la champagna da qualificaziun per l’Euro 2016, l’Engalterra.
Germania avant l’Argentina
A la testa da la rangaziun mundiala da la FIFA figurescha vinavant la Germania, il campiun mundial dal 2014 en la Brasilia. Sin il segund plaz suonda l’Argentina, il finalist dal campiunadi mundial da l’onn passà. Nov sin plazza trais è la Belgia ch’è uschia classada uschè enavant sco anc mai. Sin las plazzas 4, 5 e 6 suondan la Columbia, la Brasilia e l’Ollanda.
RR novitads 17.00