La squadra naziunala svizra da hockey fa l’auter onn part da la Cuppa Spengler a Tavau. Il turnier da tradiziun servia sco preparaziun per ils gieus olimpics il 2018 a Pyeongchang. Quai ha communitgà La Federaziun Swiss Ice Hockey.
Il turnier da quatter naziuns è perquai anticipadamain il november ed ha lieu a Bienna empè dad Arosa.
Plinavant ha Swiss Ice Hockey annunzià ina perdita da 289milli francs l’onn passà. La raschun per quest resultat sajan tranter auter pajaments en connex cun il campiunadi mundial 2020 a Turitg e Losanna.
RR novitads 20:00