Siglir tar il cuntegn
cuntegn

Naziunal/Internaziunal Nasr tema per ses cockpit tar Sauber

Il pilot da furmla 1 Felipe Nasr ha pers ses sponsur principal e sto ussa tremblar per sia plazza tar il team svizzer Sauber. Anc la gievgia suentermezdi aveva il Brasilian punctuà ch’el speria da pudair restar tar Sauber.

Felipe Nasr.
Legenda: Felipe Nasr stat avant la fin tar Sauber. Keystone

A l’ur dal Grond Premi da Abu Dhabi ha ses sponsur principal – la Banco do Brasil – annunzià da desdir la collavuraziun cun il team da furmla 1 svizzer. Cunquai daventan las schanzas da Nasr per ina plazza en il cockpit da Sauber adina pli pitschnas.

L’aug da Nasr ha però ditg envers SRF ch’el na sappia nagut che la banca brasiliana veglia sa retrair sco sponsur. Sauber n’ha anc betg prendì posiziun en chaussa. Sco favurit per la successiun pussaivla da Nasr stat en discussiun Pascal Wehrlein.

RR novitads 15:00