Siglir tar il cuntegn
Inhalt

Naziunal/Internaziunal Nagins adversaris da num per YB ed FCZ

La fasa da gruppa da l’Europa League na porscha als clubs svizzers ils Young Boys ed il club da ballape da Turitg nagins clubs propi gronds sco adversaris. Sperà avevan els sin Manchester United, Schalke 04, AS Roma u Salzburg.

Il trenader da YB Adi Hütter
Legenda: Il trenader da YB Adi Hütter spera da pudair dar pled e fatg anc ditg sin palancau europeic. Keystone

Ils Young Boys fruntan en la gruppa B sin Olympiakos Piräus da la Grezia, Apoel Nikosia da la Cipra ed FK Astana dal Kasachstan. Ils Bernais n’han anc mai giugà cunter questas equipas. Questa gruppa n’è betg fitg attractiva, persuenter ha YB pulit bunas schanzas da sa qualifitgar per la proxima runda.

Il FCZ ha survegnì adversaris pli pretensius ch’ils Bernais. Il club da la Challenge League frunta en la gruppa L sin il club spagnol da Villareal, sin Steaua Bukarest da la Rumenia ed Osmanlispor da la Tirchia. Experientschas ha il FCZ sulettamain cun Villareal en la gruppa da fasa da l’Europa League il 2014.

RR novitads 15:00