Naziunal/Internaziunal - Naginas schanzas per Fabio Leimer
Il Svizzer Fabio Leimer ranghescha en l'emprim trenament per il Grond premi da l'Ungaria a la fin dal classament. Tar ses debut en la furmla 1 ha Leimer pers cun ses auto da la squadra Manor passa 5 secundas sin ils pli sperts.
Il pli spert è stà il Brit Lewis Hamilton sin Mercedes avant ses collega da squadra Nico Rosberg. Ils dus pilots da Sauber han mo cuntanschì las plazzas 15 e 16.
In accident spectacular ch'è per cletg finì bain ha gì il Mexican Sergio Perez. Cun ses Force India è Perez collidà cun la saiv directiva uschia che l'auto a fatg chambroclas.