Siglir tar il cuntegn
Inhalt

Naziunal/Internaziunal Naginas medaglias per Brägger e Hegi

Memia blers sbagls: Pablo Brägger ed Oliver Hegi n'han betg persvadì en il final al rec e la finala stuì esser cuntent cun las plazzas 4 – Brägger ed 8 – Hegi.

Pablo Brägger.
Legenda: Quart plaz per Pablo Brägger a Montreal. Keystone

Pablo Brägger aveva l'avrigl da quest onn anc gudagnà al campiunadi europeic aur al rec. Al campiunadi mundial a Montreal n'ha el uss dentant betg persvadì. Cumenzà aveva el fitg bain, silsuenter pers in zichel schlantsch e betg chattà il dretg tegn. Quai ha purtà ad el la nota 13,733. Malgrà tut ha el lura la fin finala cuntanschì il plaz 4.

Era ad Oliver Hegi, il davos segund al campiunadi europeic, n'è betg tut reussì tenor giavisch. Perquai ch'el n'aveva betg avunda schlantsch n'ha el betg pudì mussar in element da sgol ch'el aveva planisà.

Gudagnà aur al rec ha il Croat Tin Srbic.

RR novitads 06:00