Nagin victur tranter il HCD ed AIK Skelleftea

Nagin victur en l'emprim gieu da quartfinal da la Champions Hockey League. Il Club da hockey da Tavau ed il club svedais Skellefteå han giugà pari 1:1.

Giugaders dal HCD giubileschan

Legenda da maletgs: Il HCD ha fatg ina buna figura fin ussa en la Champions Hockey League. Keystone

Marc Aeschlimann ha sajettà en l'emprim terz il sulet gol per Tavau, mo ils Svedais han egualisà en il segund terz.

Per cuntanscher il mezfinal sto Tavau ussa gudagnar mardis proxim a Skellefteå, l'actual leader dal campiunadi svedais. L’equipa dal nord da la Svezia è la meglra equipa Svedaisa dals ultims onns. Dapi il 2010 ha AIK Skelleftea pudì festivar dus titels da campiun e trais giadas il titel da vice-campiun.