Siglir tar il cuntegn
Inhalt

Naziunal/Internaziunal Nagin’istorgia d’amur - Dario Cologna ed ils 50 km

Dario Cologna n’ha anc mai gudagnà la cursa da 50 km, dumengia proxima ha el la schanza da gudagnar quella cursa en il stil classic.

Dario Cologna
Legenda: Ulteriura schanza per Dario Cologna da gudagnar aur en ils 50 km. Keystone

Dario Cologna ed ils 50 kilometers, quai n’è betg propi in’istorgia d’amur. Cologna ha gudagnà en sia carriera quasi tut quai ch’ins sa gudagnar. Cun ina excepziun: el ha anc mai gudagnà ina cursa da 50 kilometers.

La proxima schanza da midar quai ha Cologna dumengia al campiunadi mundial da ski nordic a Falun – en ils 50 kilometers en il stil classic.

3 giadas cupitgà...

Tant als gieus olimpics a Vancouver, sco a quels a Sotschi era Cologna en il cumbat per las medaglias ed è cupitgà curt avant la fin. Cupitgà era Cologna er al campiunadi mundial 2013 en la Val di Fiemme. Mo almain ha el gudagnà là la medaglia d’argient.

RR Sportissimo 17:00