Il ballapedist Renato Steffen sto desister dal campiunadi europeic en Frantscha. L’attatgader dal campiun FC Basilea è sa blessà en l’ultim gieu cunter YB a la chomma dretga ed ha ina stratga d'ina cella musculara en la coissa. Perquai era el gia vegnì remplazzà en la 13avla minuta.
Steffen croda ora per pliras emnas. Il trenader da l'equipa naziunala Vladimir Petkovic desista da nominar in auter giugader per Steffen.
Actualmain absolva il team naziunal svizzer a Lugano las preparativas per la runda finala dal campiun europeic. Planisads èn er dus gieus internaziunals; la sonda a Genevra cunter la Belgia (16:15) ed il venderdi, ils 3 da zercladur, a Lugano cunter la Modavia (18:00).
RR novitads 20:00