Nagin aur per Bolt, campiun mundial è Gatlin

Il star dal sprint, il Giamaican Usain Bolt, manchenta al campiunadi mundial a Londra la victoria sur ils 100 meters ed uschia sia 12avla medaglia d'aur. Victur daventa l'American Justin Gatlin.

Plirs atlets che curran

Legenda da maletgs: Justin Gatlin, Christina Coleman ed Usain Bolt sa bittan en l'arrivada. Keystone

Il nov campiun mundial daventa l'American Justin Gatlin, il sportist engrevgià cun veglias istorgias da doping. Gatlin gudogna en 9,92 secundas, dus tschientavels avant ses cumpatriot Christian Coleman e trais tschientavels avant Bolt.

Alex Wilson betg avunda spert

Dus atlets

Legenda da maletgs: Yohan Blake ed Alex Wilson (dretg) en il mezfinal sur 100 meters. Keystone

Per il sprinter svizzer Alex Wilson èn ils mezfinals sur 100 meters stads la davosa staziun. Il temp da 10,30 secundas en sia seria, gudagnada dal Giamaican Yohan Blake, munta la davosa plazza. En la cursa d'eliminaziun dal venderdi era il pli spert svizzer anc currì en 10,24 secundas.

Ina segunda schanza ha Alex Wilson sur ils 200 meters, questa distanza ha el pli gugent. Las cursas d'eliminaziun èn il glindesdi saira.

RR novitads 23:00