Siglir tar il cuntegn
cuntegn

Naziunal/Internaziunal Mutko vul sa defender cunter la bandischada dals Gieus olimpics

Il viceschef da regenza russ Witali Mutko remetta perquai per sis mais il presidi da la Federaziun russa da ballape.

Il viceschef da regenza russ Witali Mutko
Legenda: Witali Mutko durant la conferenza da medias a Moscau. Keystone

El veglia avair il temp per contestar la decisiun dal Comité olimpic internaziunal IOC, d'al excluder per vita duranta dals Gieus olimpics. Quai ha Mutko ditg a chaschun d'ina conferenza da medias. El vul dentant vinavant survegliar l'organisaziun dal campiunadi mundial da ballape da la stad che vegn en Russia.

IOC fa pressiun

L'anteriur minister da sport Mutko vala sco persuna-clav dal sistem da doping che la Russia ha tgirà sur onns. Ils 5 da december aveva il Comité olimpic internaziunal sclaus Mutko da tut ils Gieus olimpics futurs, pervi da sia rolla en il scandal da doping organisà dal stadi. Quel fatschenta la Russia dapi trais onns.

RR novitads 20:00