Siglir tar il cuntegn

Header

Vital Albin
Legenda: Vital Albin gudogna argient avant che midar tar ils umens d'elita. Keystone
cuntegn

mountainbike Vital Albin daventa vicecampiun d'Europa

Victoria dubla per la Svizra en la cursa dals U23 al campiunadi europeic da mountainbike a Monte Tamaro en il Tessin. Il Sursilvan Vital Albin gudogna argient davos ses cumpatriot Joel Roth.

Igl è Ì piz a cup tranter ils dus collegas d'equipa Vital Albin e Joel Roth. La finala ha il mountainbiker dal chantun Argovia battì il Grischun per tschintg secundas. Cumplettà il podest sco terz ha il Talian Juri Zanotti.

Joel Roth era gia stà sin il podest al campiunadi mundial a Leogang. Là vevi dà la medaglia d'argient. Durant che Roth parta anc ina stagiun cun ils giuvens sut 23 onns fa Vital Albin la proxima stagiun il pass tar l'elita.

Nagina medaglia per las Svizras

Tar las dunnas d'elita n'ha nagina Svizra cuntanschì in plaz da podest. Meglra svizra è la finala daventa Sina Frei sco 5avla, quai en sia emprima stagiun cun l'elita. Gia al campiunadi mundial aveva Sina Frei persvadì sco quarta.

La defensura dal titel Jolanda Neff ha dà si la cursa. Ella n'è davent da l'entschatta betg vegnida sin turas. In plaz sut las top 10 hai perencunter anc dà per Nicole Koller sco 9avla.

Pauline Ferrand-Prévot ina classa per sa sezza

Nova campiunessa d'Europa è la Franzosa Pauline Ferrand-Prévot. Ella ha triumfà a moda suverana sco gia al campiunadi mundial a Leogang. La partenaria da la legenda Julien Absalon ha gudagnà a Monte Tamaro avant l'Ollandaisa Anne Terpstra e Yana Belomoina da l'Ucraina.

RTR novitads 12:00

Artitgels legids il pli savens

Scrollar a sanestra Scrollar a dretga