Moreno Costanzo definitiv tar l’FC Vaduz

L’equipa dal Principadi dal Liechtenstein ha pudì surpigliar dad YB il giugader dal mez Moreno Costanzo. Quai suenter ch’el ha gia giugà la stagiun passada per il club da la superleague.

Moreno Costanzo el dress da Vaduz durant in gieu cunter il FC Turitg.

Legenda da maletgs: Moreno Costanzo el dress da Vaduz durant in gieu cunter il FC Turitg. Keystone

Il giugader da mez Moreno Costanzo ch’era vegnì emprestà la stagiun passada da ses club Young Boys Berna al club da Vaduz mida uss definitivamain tar il club dal Principadi dal Liechtenstein. La stagiun passada ha Costanzo giugà 33 gieus per Vaduz e marcà 6 gols. Il ballapedist da 28 onns ha suttascrit in contract per dus onns.

RR novitads 14:00