Montmelo - Lüthi vegn 5avel

En il Grand Prix da la Catalugna manchenta il pilot da moto Tom Lüthi per 1,6 secundas sia 44avla plazza da podest.

Tom Lüthi.

Legenda da maletgs: Buna posiziun na gida betg - Tom Lüthi manchenta il podest en Catalugna. Keystone

En sia 223avla cursa da la coppa mundiala manchenta il svizzer il podest. El terminescha la cursa cun in retard dad 11 secundas sin il victur, Johann Zarco. Segund è vegnì Axel Rins.

En il trenament aveva Lüthi sa pudì qualifitgar per ina partenza en l'emprima lingia. En la cursa da la dumengia è el vegnì surpassà pir en las ultimas rundas dal giapunais Takaaki Nakagami e da Hafizh Syahrin da la Malaisia.

En il classament da la coppa mundiala surpiglia Alex Rins cun 116 puncts la testa cun quai ch’il leader actual Sam Lowes (108 puncts) è rivà mo sin plazza 6. Dominique Aegerter ha gì in problem tecnic ed è crudà enavos en il classament da plazza 5 sin 8.

RR novitads 17:00