Siglir tar il cuntegn
cuntegn

Naziunal/Internaziunal Mo Shiffrin pli svelta che Holdener

In'ulteriura plazza da podest per Wendy Holdener: La Svizra vegn segunda al slalom da Maribor en Slovenia. Sin la victura e dominatura da la scena Mikaela Shiffrin perda Holdener be 19 tschientavels. Il podest dal slalom a Maribor vegn cumplettà cun Frida Hansdotter da la Svezia.

La skiunz'americana Mikaela Shiffrin.
Legenda: Ella n'èra betg da franar: La skiunz'americana Mikaela Shiffrin. Keystone

Il podest

  1. Mikaela Shiffrin (USA) 1:36.61
  2. Wendy Holdener (CH) +0.19
  3. Frida Hansdotter (SWE) +0.31

Las ulteriuras Svizras

  • OUT Mélanie Meillard
  • OUT Michelle Gisin
  • betg en segund percurs: Denise Feierabend (36), Charlotte Chable (38), Rahel Kopp (49) e Lara Gut (53)
Al slalom gigant da la sonda aveva quai per Wendy Holdener be tanschì per plaz 16.
Legenda: Super prestaziun da Wendy Holdener. Per il stgalim sissum n'hai dentant gist betg tanschì. Keystone

Sco gia a l’entschatta da la stagiun a Levi è mo Mikaela Shiffrin ina sumbriva davant il sulegl da Wendy Holdner. L’Americana festivescha sia 5avla victoria da slalom quest enviern.

Per Holdener èsi sia 5avla plazza da podest en il 6avel slalom da la stagiun. Holdener è lura er gist la suletta Svizra en il classament final. Melanie Meillard e Michelle Gisin èn crudadas ora en il segund percurs a Maribor.

RR novitads 11:00 / 14:00