Siglir tar il cuntegn

Header

cuntegn

Naziunal/Internaziunal Mikaela Shiffrin declassescha danovamain la concurrenza

Segunda è vegnida la Svedaisa Frida Hansdotter e terza Sarka Strachova da la Tschechia. Ina fitg buna prestaziun ha la Svizra Charlotte Chable mussà. Ella è vegnida 9avla.

La skiunza Svizra Charlotte Chable durant il slalom ad Aspen
Legenda: La Svizra Charlotte Chable è vegnida 9avla Keystone

Per Chable è quai stà pir la 6avla cursa da cuppa mundiala. La giuvna da 21 onn è sa megliurada en il segund percurs dal 20avel plaz sin il 9avel. Quai è il meglier resultat da sia carriera. Er Michelle Gisin ha pudì persvader en il slalom dad Aspen. Ella è vegnida 13avla. Wendy Holdener ha pers 7 posiziuns en il segund percurs ed è vegnida 20avla. Denise Feierabend ha finì la cursa sin rang 22 e Rahel Kopp è vegnida 25avla.

L'americana Mikaela Shiffrin aveva gia dominà l'emprim slalom da la cuppa mundiala, e quai cun in avantatg da record da 3,07 secundas.

Artitgels legids il pli savens