Siglir tar il cuntegn
cuntegn

Naziunal/Internaziunal Michael Matthews surpiglia il tricot mellen

L'Australian gudogna la terza etappa dal Tour de Suisse e maina cun quai il classament general. Il Svizzer, Stefan Küng che ha manà il classament enfin qua è vegnì 39avel en l'etappa dad oz ed ha uschia pers il tricot mellen.

Purtret da Michael Matthews che stenda la bratscha e sa legra.
Legenda: Michael Matthews ha gudagnà la terza etappa dal 81avel Tour de Suisse. Keystone

L'Australian Michael Matthews ha gudagnà la terza etappa cun 10 secundas avantatg. Grazia a la victoria dad oz, maina el uss il classament general dal Tour de Suisse.

Stefan Künd ha purtà be in di il tricot mellen. Oz sto el dar giu quel. Il 39avel plaz n'ha betg tanschì. Meglier svizzer dal di è stà Michael Albasini che ha manchentà be cnap il podest. Suenter dus quarts plazs è el oz stà tschintgavel. Uschia è Albasini er il meglier svizzer en il classament general. Cun 20 secundas retard sin Matthews è el uss tschintgavel en il classament general.

RR novitads 18:00