Siglir tar il cuntegn
Inhalt

Naziunal/Internaziunal Michael Lang è il ballapedist da l'onn

Michael Lang è il meglier giugader da la Super League dal 2017. A la SFL Award Night ha el gudagnà avant ses anteriur collega d’equipa Manuel Akanji ch’ha midà en la Bundesliga tar Dortmund e l’attatgader dad YB Roger Assalé.

purtret dal ballapedist Michael Lang
Legenda: Michael Lang è il meglier ballapedist dal 2017. Keystone

Il Turgovian en las retschas da l'FC Basilea è in defensur che sajetta gols. L'onn passà ha Lang sajettà 8 gols en 26 gieus. Sulet en las ultimas quatter emnas da l'atun ha el fatg quatter gols en la Super League. Oravant tut ha el sajettà il gol decisiv en la Champions League cunter Manchester United. Grazia a quai gol stat l'FCB en l'otgavel final da la Champions League. Lang n'è betg mo stà il meglier giugader dal 2017 mabain er il pli popular.

Sin plazza dus è l'anteriur collega d'equipa da Lang, Manuel Akanji (ussa tar Borussia Dortmund) e l'attatgader da YB, Roger Assalé.

Sco newcomer da l'onn è tschernì Dimitri Oberlin (FCB) ed il trenader da l'onn è Murat Yakin (GC).

RR novitads 22:00