Siglir tar il cuntegn

Naziunal/Internaziunal Michael Albasini è segund da cursa Lüttich - Bastogne - Lüttich

Pac ha mancà per ina victoria svizra al classicher da velo Lüttich - Bastogne - Lüttich. Be Wouter Poels da l'Ollanda è stà pli svelt ch'il ciclist Michael Albasini.

Michael Albasini durant la cursa.
Legenda: Michael Albasini. Il Turgovian ha mussà ina ferma prestaziun. Keystone

Michael Albasini è vegnì segund, be battì en il sprint d’ina gruppa da quatter da l’Ollandais Wouter Poels ch’ha festivà la pli impurtanta victoria da sia carriera.

Sin plaz trais è il Portugais Rui Costa, l’anteriur campiun mundial. Liège - Bastogne - Liège è il pli vegl classicher dal sport da velo, numnà «La Doyenne». I fiss sta in success nunditg per Albasini, il qual è stà fitg activ ed ha il davos forsa gì la forza ch’ha mancà. Albasini vala en sasez sco bun sprinter.

Il ciclist da 35 onn è l’emprim Svizzer sin il podest dal classicher dapi che Oscar Camenzind aveva gudagnà la cursa l’onn 2001.

La cursa sezza ha gì lieu da relaziuns miserablas, plievgia e per part schizunt naiv han turmentà ils ciclists sin lur viadi tras la Wallonia, la part franzosa da la Belgia.

Sportissimo 17:00