Mezfinal dal Fedcup ha lieu a Lucerna

L'equipa svizra gioga ses mezfinal cunter la Tschechia a Lucerna ils 16 e 17 d'avrigl.

Martrina Hingis e Belinda Bencic che "dattan tschintg" durant il gieu dal quart final ch'ellas han gudagnà.

Legenda da maletgs: Tras la victoria da Martina Hingis (san.) e Belinda Bencic (dre.) è la Svizra sa qualifitgada per il mez final. Keystone

Tenor Swiss Tennis eran plirs lieus en discussiun. Pervi da l'infrastructura ideala sajan ins sa decidì per la Halla 1 da la Messe Luzern, ha declarà il president René Stammbach.

Il team cun Belinda Bencic (WTA 7), Timea Bacsinszky (WTA 15), Victorija Golubic (WTA 139) e Martina Hingis (numer 1 dal mun en la concurrenza dubla) è sa qualifitgà per il segund mezfinal en l'istorgia. Quai grazia ad ina victoria da 3:2 cunter la Germania.

Sin tge cuvrida da la plazza da tennis ch'i vegn giugà n'è anc betg decidì.

RR novitads 17:00