Siglir tar il cuntegn
cuntegn

Naziunal/Internaziunal Messi prolunghescha tar l’FC Barcelona enfin il 2021

Uss è la prolungaziun dal contract dal superstar Lionel Messi sut tetg. Era il trenader dal club Atletico Madrid Diego Simeone ha suttascrit in nov contract enfin il 2020.

Messi cun il trikot da Barcelona
Legenda: Messi prolunghescha in'ulteriura giada cun ses club Barcelona. Keystone

L'Argentin Lionel Messi resta fin il 2021 tar ils Catalans. Gia avant dus mais aveva il club infurmà ch’els sajan sa cunvegnì cun lur attatgader. Enfin uss mancava dentant anc la suttascripziun ed autras formalitads. Messi era vegnì l'onn 2000 tar ils juniors da Barcelona e dapi lura restà fidaivel al club catalan.

In auter club da tradiziun spagnol Altetico Madrid ha prolungà il contract cun ses trenader Diego Simeone per dus ulteriurs onns enfin il 2020. Simeone ha surpiglià il post da trenader tar Atletico il december avant sis onns.

RR novitads 15:00