Siglir tar il cuntegn

Header

cuntegn

Naziunal/Internaziunal Mercedes parta er a Barcelona en l'emprima lingia

Mercedes ha er dominà la qualificaziun dal GP da la Spagna. Lewis Hamilton è sa profilà davant ses collega da squadra Nico Rosberg.

La 5avla staziun en il calander dal circus da furmla 1 ha generà la 5avla pole position per Mercedes. La dumengia dastga Lewis Hamilton partir da l’emprima posiziun. El era sa distanzià da Nico Rosberg per 0,280 secundas durant la qualificaziun. La terza posiziun da start ha pudì tiers l’Australian Daniel Ricciardo en il Red Bull.

audio
Sportissimo: Mercedes parta da la testa a Barcelona
ord Sportissimo dals 14.05.2016.
laschar ir. Durada: 1 minuta 22 Secundas.

Ferma premiera da Verstappen

Max Verstappen (18) ha gist a sia premiera per Red Bull mussà ina ferma prestaziun: L’Ollandais e daventà quart, gist davos ses collega da squadra Ricciardo ed avant ils pilots da Ferrari Kimi Räikkönnen e Sebastian Vettel.

Sauber davos, premiera tar McLaren

Er a Barcelona n’ha il team da Sauber betg pudì sa deliberar da lur reputaziun. Marcus Ericsson sco 19avel e Felipe Nasr sco 20avel èn gia crudads or en Q1. Sulet ils pilots da Manor èn anc stads pli plauns. Cun Fernando Alonso ha per l’emprima giada in pilot da la nov’èra da McLaren cuntanschì il Q3 ed il 10avel plaz.

RR novitads 16:00

Artitgels legids il pli savens